Patimpalak sa Sanaysay
01 – 25 Agosto 2013
- inaanyayahan ang lahat ng mga Pilipino na makilahok at sumali sa Patimpalak sa Sanaysay ng Pasuguan.
- mangyaring basahin at sundin ang mga sumusunod na alituntunin:
- Bukas ang patimpalak sa lahat ng gustong sumali, Pilipino man o banyaga;
- Sumulat ng isang sanaysay sa wikang Filipino na hindi hihigit sa 500 salita at hindi naman bababa sa 300 salita tungkol sa tema ng pagdiriwang ngayong taon: “Wika Natin ang Daang Matuwid”.
- I-type ang sanaysay sa papel na may sukat na A4. Kung hindi naman gagamit ng kompyuter ay maaari ding isulat kamay. Kinakailangan lamang na ito ay nababasa.
- Dalhin ang sanaysay sa tanggapan ng Pasuguan, kay Gng. Joy Clemente o kaya naman ay ipadala sa email address na This email address is being protected from spambots. You need JavaScript enabled to view it..
- Ang huling araw sa pagsumite ay sa ika-25 ng Agosto sa ganap na ika-5 ng hapon.
- ang mga hurado para sa patimpalak na ito ay ang Ambassador at ang lahat ng opisyal ng Pasuguan.
- Ang mga sumusunod na balangkas ay gagamitin sa patimpalak:
- Pagsunod at Pagpapalawig sa Tema --- 35%
- Kalidad at Wastong Paggamit ng Wika --- 25%
- Pagkamalikhain --- 20%
- Pagiging Orihinal --- 20%
----------------
- Tatlong (3) sanaysay ang pipiliing mananalo sa patimpalak na ito at ang mga mananalong ito ay pararangalan at makatatanggap ng premyo mula sa Pasuguan.
